L’ ERCONNAISSANCE

_________________________

A Jules B………

Advanz-hier èj buvois enn’ pinte

Aveuc tchiot Jules, c’ti qu’i s’ l’ameinte

Pass qu’i n’peut plus feumer béceup.

T’es malade, qu’èj dis tout d’un keup.

Nan ! qu’i m’dit, n’feut pon qu’tu m’erpreinss ;

J’ein sus cor saisi quant’ j’erpeinss

Qu’êt t’à l’heur’ ein t’ergardant vite

Jèn t’avois pon r’connu tout de suite ;

C’est comm’ l’eut fois à l’cavalcade :

Ej reincont’ un viux camarade

Qu’èj n’avois pon vu d’pu longtemps.

Il étoit cangé , d’pu l’viux temps !

Jèn peisois pon à li. Min fiu,

Jèl l’ergardois deins l’ blanc d’ ses yux

I m’ d évisageoit bien ein face ;

Mi c’étoit l’ meum’ , sans bouger d’ place.

Eh ben ! qu’i m’ dit ; c’est bien ti ?

Oué ! qu’èj li réponds, ti oussi ?

Aveuc ès parole ça m’erv’noit ;

Jèm disois : c’est bien c’ti qu’èj crois.

A s’figure èj peinsoit à li ;

Mais à sin nez, j’ dis c’est bien li.

Nos nos sons r’connus tous les deux ;

Nos étins quasimeint honteux

Pass èq nos n’nos r’ connaisins pus,

C’ n’est pon ça qu’i va m’eimpêcher

Ed r’offrir tout d’suite enn’ tournée.

H.F. Carpentier, Rêveries d’un bohainois, transcription de Marcel Lefèvre