QU’I DIT.

____________

Dimeinch’ èj buvois l’apéro

Aveuc èm’n ali l’pèr’ Cléro,

Quant’i vient s’assir auprès d’mi,

Enn’ bonn’ viel’ fanm’ èd sin pays.

-Tchiens! Qu’i dit, c’est bien l’mère Pétard,

Vos êt’ ici rud’meint su l’tard !

- Bé ! qu’al dit, j’sus v’nu vir ‘ min fiu ;

j’y v érai cor s’i plaît à dju.

- Quel âge èq vos ez, don qu’i dit ?

‘ Mi l’ai sixann’- dix ans, qu’al dit.

- Ah ! qu’i dit, j’m’ein rappélois pon.

- Pourtant, qu’al dit, pa vo n âge, donc !

- Quant’ j’étois jonn’ èj m’ein rappell’ ;

J’avois, qu’i m’dit, cinq ans d’ moins qu’ell’ ;

A c’t’heur’ èj nèl sais ma foi pu ;

Jèn’ ai-t-i d’moins, jèn’n ai-t-i d’pus ?

Ed çà , qu’i dit, n a si longtemps !...

Pou l’heur’ là qu’j’ai soixann-cinq ans !...

H.F. Carpentier, Rêveries d’un bohainois, transcription de Marcel Lefèvre